梁漢文昨日出席慈善活動擔任大使。提到有傳張栢芝不肯簽紙與他的好友謝霆鋒離婚，他說：「冇追（消息）得好緊，都係從你哋（記者）口中先知，唔知點解會咁，要佢哋兩個大人好好傾吓。（鋒芝大仔Lucas生日？）我之前都去過一次佢嘅生日會，未諗今年送咩嘢，（鋒芝請假同佢慶祝？）應該嘅，要兼顧小朋友多少少。」
而傳栢芝仍每月豪碌霆鋒幾十萬卡數，他表示自己也有幫太太找卡數：「每個月5位數走唔甩，女人使男人錢係應該嘅，已成為我嘅生活習慣。」
