謝霆鋒隨身攜帶Lucas相

謝霆鋒欲與張栢芝離婚，有傳栢芝不肯簽字，令離婚陷入膠着狀態，霆鋒雖要「守齋」一年，不過生活如常，心情未有受到太大影響。昨有指霆鋒曾與老友兼詠春師傅伍允龍食飯，記者致電伍允龍，他說：「係呀，之前霆鋒拍手錶廣告，佢介紹我做個廣告嘅武術指導，拍完之後大家去食飯，咁啱我師兄嚟咗香港，我哋食完飯之後，霆鋒都有一齊去見師兄，佢哋仲過咗幾招。（霆鋒有無唔開心呀？）一啲都無，（有無同你講有關離婚嘅嘢？）都無，我哋兩兄弟多數講武術嘅話題。」談到Lucas與Quintus，伍允龍坦言以前不時都會見到兩人，但近期就沒有，又指霆鋒隨身都會有些Lucas打功夫的照片，拍戲時會給工作人員看。