趙碩之：佢夠唔夠資格？
寸嘴何佩瑜（Jeana）口出狂言，前晚更自封港姐冠軍，其死敵趙碩之（Wylie）昨日出席簽書會，聞Jeana的「港姐論」時即笑說：「問一問無綫佢夠唔夠資格喎！」
Jeana及Hidy（余曉彤）前晚穿上Bikini Top出席「胸戰比堅尼派對」，大口氣的Jeana表示：「今次係慶祝銷量第一，所以要開香檳慶祝！」Jeana繼續發揮周圍辣的攻勢，寸嘴回應被陳靜（DaDa）指說話不尊重人：「根據佢劇情需要，我會盡量配合！」又暗指許穎（Phoebe）聲稱被非禮是講大話博宣傳。
落選佳麗忙食飯
Jeana因偏激言論令其他o靚模淪為「受害者」角色，她說：「我有高人指點，當自己處於低位時要用呢個姿態（受害者）博上位，我唔需要做到呢個位！（乜人做？）Losers！」她更自喻為港姐冠軍：「我之前想去參加港姐，畀我發現贏嗰啲要忙做封面訪問，落選嗰啲做乜？原來係約齊去食飯，友誼永固就會喺呢刻發生！」
林建名唔知乜水
另一邊廂，其死敵Wylie昨日以一頭橙髮及吊帶背心出席簽書會，對於Jeana自封港姐冠軍，Wylie笑說：「問一問無綫佢夠唔夠資格喎！（佢口出狂言？）都係架啦！口如其名。（「賤娜」？）唔使講到咁白啦！」她又表明對方雖有攻擊性卻未有威脅性，只會把她當成陌路人，問到老闆林建名會否為她心痛？她即輕聲表示林生不知Jeana是誰。
文：影視組