Red妹駕到

顏色之多，要爭出位除要深得一眾設計師歡心外，亦要多得群星拱照，而今期就以紅色一馬當先！不過，紅色好蝦人着，未必個個都受得到，未必個個有深厚道行去Mix & Match，如果對紅色招架不來就好易出事，結果只得「娘」味濃濃，今次本報就找來星級形象指導郭慶彬（Ricky）點評大家要紅得有道理！

稍一錯襯紅色就好容易變娘，其實唔係個個都可以Carry到紅色，唔一定要全紅打扮，可以有些襯豹紋元素或配襯金手鈪等配飾，又或者紅衫配牛仔褲或Leggings，感覺都好Fashionable。

裙款前短後長，有刻意賣弄雙腿之嫌，有點多餘。加上Off-Shoulder設計兼梳上「道士髻」，盡露頸長的缺點，由頭到腳冇忽靚，簡直冇得救。

本來紅裙襯紅鞋太過Feminine，加上Smokey Eyes妝容與一頭短髮，與她中性造型格格不入。

完全招架不到晚裝裙的修長剪裁，有種腰長腳短感覺，有如跳肚皮舞女郎。

紅色Jumpsuit加豹紋元素夠晒搶眼，髮型同Platform Shoes誇得徹底，嘩眾取寵又不失時尚潮味。

雪紡Shirtdress已經夠平凡，最錯是內襯白色Tube Top，想營造Sex Appeal效果失敗，如改襯肉色吊帶背心兼束起秀髮或直髮，反而更青春可人。

金髮配紅色連身裙，腰位Ruffled細節有美化之餘又騷到優美線條，顯盡巨星風采。

中門大開Deep-V長裙騷到Ｓ身形，配蜜糖膚色與鬈髮，效果一絕！

簡潔鬆身剪裁配黑色頸鏈，效果幾潮，若束條黑色粗皮帶突出腰線會更順眼。

星級形象指導郭慶彬（Ricky）曾為李冰冰、吳君如、張惠妹等女星裝身扮靚。其眼光獨到，有自我一套的審美標準。剛剛在巴黎欣賞高級訂造服時裝騷包括有Chanel、Valentino及Jean Paul Gaultier等。早前更為中國時尚節目《美麗俏佳人》擔任嘉賓主持。