Regen大懵漏習嚇人

HotCha成員Regen、Winkie、Crystal、吳日言、小肥及樂壇新人鄧芷茵，近日積極為將於七月廿九日於澳門上演的舞台劇《Love in Macau》進行綵排。在劇中又唱又跳的他們，笑言由於所唱歌曲全是英文歌詞，故此單是背誦已令他們大感頭痛，而曾於外國留學的鄧芷茵，更成了吳日言的御用英語老師。

一班年輕歌手積極為澳門上演的舞台劇進行綵排。

雖然只是綵排，但吳日言仍堅持穿正式表演時的高踭鞋上陣，十分專業。

跳舞天分高

談到排戲趣事，眾人直指Regen是大頭蝦，吳日言笑謂：「佢跳舞好有天分，但一唔使跳舞就變成另一個人，除咗成日無喇喇抱起我哋之外，最搞笑係成日漏低衫褲喺排練室，令我哋好疑惑佢到底着咩走。」而Regen亦自爆經常因發音不準鬧笑話：「我試過將重陽讀成『蠢羊』，哈！」

三姝感情好

Regen笑料百出，但Winkie卻有苦自己知，皆因她近日受聲帶息肉舊患困擾：「兩年前已經有呢個病，可能我平時講嘢大聲，我已經不斷睇完中醫睇西醫，但都好唔番晒，惟有少啲講嘢。」Winkie又笑謂Regen與Crystal見狀即化身「黑天哦白天哦」，不准她做這做那，足證三人感情甚佳。

文：影視組