顏卓靈升呢啦啦姐
有「爆牙薛凱琪」之稱的影壇新人顏卓靈（Cherry）現年17歲，最近放暑假的她除了忙拍戲外，日前亦為一籃球比賽擔任啦啦隊，為周柏豪及許廷鏗打氣，期間有fans找Cherry合照及簽名，令她大感興奮。
Cherry表示在學校不乏啦啦隊經驗，亦有在比賽中得獎：「玩咗啦啦隊好多年，由啦啦妹變做啦啦姐，仲會幫手排舞，因為我哋隊形好，所以贏過好多次！」習舞多年的Cherry由小一開始跳中國舞，至中學則將興趣擴展：「因為好奇咩舞都學，拉丁舞、Hip Hop及Jazz等等都有！（點解咁鍾意跳舞？）跳舞嗰陣同我平日好唔同，忘記晒所有唔開心嘢，上到台喺射燈下感覺好爽！」