李泳漢爆豪琦分手內幕

早前楊思琦單方面宣布與男友李泳豪分手，愛錫豪仔的李家上下一心槍頭對外，觸發連場罵戰，《娛樂on Show》主持人俞詠文（Angela）日前邀來痛錫細佬的李泳漢作專訪，平反對細佬不實報道，他直言所講一切「對事唔對人」！

豪仔情緒仍低落

泳漢對Angela表示，雖然豪仔與思琦分手已成事實，但細佬情緒依然低落：「未好過，唔係平時嘅佢，一返屋企就返房鎖埋自己，唔畀機會我哋同佢傾偈。」思琦是豪仔初戀情人，兩人拍拖達九年之長，女方提出分手難免令他難以接受，泳漢說：「我只可以講佢真係好愛呢個女人！」對於思琦指控李家對她不聞不問不關心，泳漢勞氣表示九年來全家對她關懷備至：「舉個例豪仔出國，交帶落叫我照顧，佢（思琦）兩三點收工，我都去接，冇可能當佢係透明！唔知點解佢咁講，嘢唔可以掉轉講囉！」至於思琦自稱要貼錢給男友及其家人，泳漢直指「冇咁嘅事」，更指可與她當面對質：「冇用過佢啲錢，話幫豪仔還卡數，絕對冇！豪仔絕對唔使女人錢，唔可以誣衊佢食軟飯！」

李泳漢接受《娛樂on Show》主持人俞詠文訪問，為細佬泳豪大平反！

泳漢直言豪仔很愛很愛思琦。（資料圖片）

細數舊事嘆唏噓

雖然李家上下與思琦關係變得惡劣，但泳漢透露從前曾收過她的一份生日禮物，當時都有暖在心頭，他說：「佢咁耐送過一份生日禮物畀我，係03年，佢親手焗咗個馬騮樣嘅麵包畀我，豪仔都有一個，不過之後就冇嘞！」對於細佬與女友九年關係突然告終，他無奈又不滿道：「真係唔清楚佢點解離開，但佢已經33歲，應該對自己行為負責，唔可以推卸責任！」想知道豪仔如何寵愛思琦，而思琦又怎樣對待男友？要聽泳漢爆料，快Click上ontv睇片啦！

文：專案組