周柏豪獲父母撐場流男兒淚

柏豪早前推出全新EP《本体分裂》，並舉行一場MOOV Live音樂會，是他入行四年來首個個人音樂會，柏豪用結他、鋼琴及小提琴等樂器，跟歌迷分享每首新歌，他的父母、及作詞人好友陳詠謙到場支持，期間柏豪分別向歌迷及家人送上親自創作的歌曲，氣氛感人，他坦言：「其實我係第一次現場唱《想太多》，呢首歌正正係我寫畀我屋企人，答謝佢哋一路以來咁支持我，我一邊唱一邊見到佢哋喺台下，個感覺好強烈，真係忍唔住啲眼淚。」

目標進軍紅館

由於迷你音樂會非常成功，柏豪表示有信心再下一城，向Star Hall及紅館進發，他說：「之前一直都覺得自己未夠能力，好猶豫，但經歷過呢幾年，開始見到自己有進步，真係打咗支強心針，踏入第五年，我覺得心理上準備好迎接將來更大型演出，紅館當然係目標，但我會一步一步慢慢嚟。」

另外，柏豪透露新碟銷量報捷，將會推出第二版，他說：「真係好開心，老闆都話估唔到賣得咁好，依家開始有壓力，希望年尾出嗰隻都會一樣咁好成績。」

打波無礙工作

熱愛籃球的柏豪經常見他在球賽出現，他坦言工作第一，只會用休息時間打籃球︰「依家多咗人注意，我啲時間會安排得好好，同埋打得好錫身，唔想因為興趣而影響到工作！」

採訪：卓藍

化妝：Kris Wong

髮型：Cliff@Hair Corner

場地：Fringe Club