關菊英靚歌謝票
闊別紅館4年的關菊英9月再度開唱紅館，台開4面、概念華麗，而多次合作的好友陳豪、阮兆祥也會現身擔任嘉賓，同時菊姐亦會大方邀請同性密友Willy到場欣賞，實行用歌聲答謝各方好友多年的支持。
近年憑《講不出聲》、《宮心計》、《公主駕到》等電視劇歌曲唱到街知巷聞的關菊英，將於9月1日舉行紅館個唱，暫定只演一場，菊姐說：「除咗近年嘅歌之外，以往好經典嘅《狂潮》、《過客》、《兩忘煙水裡》同埋好多劇集插曲都會唱，佢哋都係大家嘅集體回憶，我都想送畀大家。」
《溏心》拍檔任嘉賓
菊姐表示將會邀請在《溏心風暴》等劇多次合作嘅陳豪和阮兆祥擔任嘉賓，她說：「陳豪合作過4套，祥仔合作過3套，佢哋都係好有天分才華嘅演員，佢哋亦都好敬重我哋呢啲前輩，不過我哋私下冇隔膜，好啱傾。（會唔會請親朋好友睇？）會呀，另外近年有一批新fans出現，佢哋唔同以前嘅fans咁含蓄，表達比較直接，我都好開心佢哋咁支持我，（請唔請密友Willy？）請，佢係我好朋友，好多解決唔到嘅事都會同佢傾，（佢男仔頭？）交朋友係講內心，唔可以因為打扮而評定一個人。」
提到好友狄波拉（拉姑）近日因鋒芝婚變而要吃安眠藥入睡，她說：「我哋係多年姊妹，一切盡在不言中，我會默默支持佢。」
文、攝：高橋康
化妝：Stephen L.
場地：帝苑酒店