余翠芝自立門戶出碟
唱作歌手余翠芝（Chita）日前和巨星二幫隊長陳國峰及吳業坤，齊出席ZESPRI活動，染了一頭淺啡色短髮的她，全身散發東瀛味，但她否認走日本妹路線，她說：「呢個只係我其中一個新造型，嚟緊我個look會不停咁變，希望畀fans新鮮感。」
至於早前她落實簽內地經理人公司，不過她又說已改變主意，現自組公司出唱片，她透露：「因為內地公司想我將重點放喺內地，主力拍劇，但我最鍾意係唱歌、出唱片，既然大家方向唔同，我冇同嗰間公司簽約，不過大家仲保持友好關係，有啱我嘅劇集，我都會接。」她承認在內地拍劇酬勞豐厚，可是她是個「硬頸」之人，覺得做自己鍾意做的事才最緊要。問她何時推出新碟？她說預計年底或明年初，稍後有新歌派上台。