傅嘉莉做阿四博李治廷好感

傅嘉莉（Kelly）在月餅廣告中飾演李治廷的女友，她直言合作得很開心：「好開心可以同佢過中秋，睇過《李小龍》同《歲月神偷》，一直覺得佢好靚仔，喺廣告做佢女朋友好開心。」她大讚李治廷好人，雖然兩人合作前互不認識，但李治廷在埋位前就主動與她傾偈，Kelly還透露被對方冧爆：「佢好得意，會帶埋結他拍廣告，佢好鍾意音樂，會現場彈奏畀我聽，真係好冧，即刻墮入到女朋友角色。」

同坐睇電視，可憐傅嘉莉卻受李治廷冷待。	廣告中傅嘉莉愛得無怨無悔，可是卻非她本性。	傅嘉莉站在天台拍攝，還擺出勝利手勢。

兩人在片場中暢談音樂經，簡直是一拍即合，Kelly還會出席對方下月舉行的小型音樂會。

笑中有淚

Kelly指其中一個鏡頭需要笑中有淚，幸好Click中情緒，成功落淚。問到她在廣告中與李治廷可有親密接觸？她說：「我做個超級好嘅女朋友，會為佢打掃、寫甜蜜字條，就算佢唔理我都默默愛佢。因為講佢冷待我，所以冇親密動作，反而係食檸檬，當我想一齊睇電視時佢就起身走，最後我就買朱古力月餅令佢回心轉意。」

可是Kelly現實中不會如此有耐性：「以前拍拖都會幫男友執屋，如果佢冷淡對我就唔會默默等，會問佢發生乜事。」

文：專案組