姚予晴遊馬爾代夫造人解悶

名模姚予晴昨偕同Ana R.、顧婭棋等，為配飾品牌擔任模特兒，其後Mikki表示剛從馬爾代夫回港，問到是否與男友過二人世界？她笑說還有一班朋友同行：「同埋幾個朋友去咗五日，如果兩個人去好悶，成個島跑極都係用30分鐘跑完。」

當記者問她有否順道造人？Mikki則語出驚人：「必造之一，因為喺個島都冇乜好做，不過我最後悔冇帶杯麵，因為啲食物一係好鹹，一係就冇味，雖然當地係回教國家，但我哋都有豬肉食！」續說：「當地人又着得好密實，我就背心短褲，一出街就畀人望，都好驚。不過馬爾代夫真係值得去，因為環境好靚，但每日悶到都係做同一樣嘢——浮潛、游水、食嘢同瞓覺！」

姚予晴與Sunny拍拖多年，感情穩定。（資料圖片）	Ana R.拒絕跟o靚模混為一談。	顧婭棋為配飾品牌擔任模特兒。

Ana R.迷上潛水

此外，Ana R.近期也迷上潛水，說：「我之前去峇里潛水一星期，係人生第一次潛水，係新感受，好刺激，但水好凍。（會唔會試海底婚禮？）好難，因為都講唔到嘢，連『I do』都講唔到！」對於o靚模出寫真，Ana表示不應與她混為一談：「我好難講呢個topic，因為我係fashion model，佢哋唔係我知嘅嘢，但藝人出書都OK。」她又表示身邊有模特兒朋友因身材澎湃而難做騷：「衫都唔合身，我好滿意自己身材，亦感到幸運！」她又透露很想回美國探親：「細佬嗰邊有問題未解決，等佢搞掂先，我為佢哋改機票都改咗十二次啦！」

文：名人組