甄子丹失眠頹爆天生賤骨頭
甄子丹拍戲玩命，精神壓力令他難以入睡，結果反而成功造就戲中需要的頹廢Look，子丹更以「賤骨頭」形容自己，果真豁達。
子丹拍打戲叫好又叫座，今次接拍陳可辛新片《武俠》，其壓力其實源於自己，希望尋求新突破去報答一眾支持者。他說：「可能我拍緊呢場戲，但個腦已經諗定下一場點演點做。我太太問我點解晚晚失眠，我話畀佢聽成日喺度諗緊點拍。」他坦言拍《武》片時平均每天只睡三、四小時，想不到意外地令頹廢Look更加切合角色，絕對是意外收穫。
部部戲都危險
大隊今次遠赴雲南拍攝武打場面，陳可辛放眼一望無際的風光及瓦屋頂，靈機一觸讓子丹及惠英紅在瓦屋頂上疾走。不過說時容易做時難，單是要求居民借出屋頂，亦費盡心血。他說︰「雲南人迷信，佢哋唔會輕易借出屋頂畀人踩，尤其是知道小紅係女人，所以我哋要逐家逐戶同佢哋傾。」
憶述拍攝時，子丹直言危險：「好似運動員咁，成日拉傷身體各部位，而我拍部部戲都危險！做得嘅天生賤骨頭，只希望自己每次演出，都可以有所提升，等大家明白，武打演員都可以係好戲嘅。」他又笑謂當時不怕被瓦片所傷，反而擔心「差錯腳」跌入牛棚中牛屎招。
文：影視組
化妝：Omix B.
髮型：Kelvin Koo
場地：Mira Hotel