官恩娜繼續高飛唔恨嫁

出道七年的官恩娜，早前難得向公司申請大假，與男友一同歐遊，享受甜蜜旅程，雖然Ella否認預支蜜月，但就透露旅途愉快，令雙方感情大躍進，Ella甜笑說：「大假申請咗好耐先攞到，我同佢去咗兩個禮拜，真係好開心好悠閒。（男友包晒？）一人出一啲啦。」

官恩娜與男友早前兩人到外地享受甜美旅程。

擅長彈結他的Ella表示，希望有機會染指唱作女歌手獎。

不會隨波逐流

問Ella是否蜜月期？她說：「呢排係興結婚，但我唔可以隨波逐流，唔係話結就結，而且事業咁忙，個心冇諗過呢個『大型活動』，既然現狀開心，亦冇迫切原因要結婚，所以暫時未有打算。（係咪恐懼婚姻？）咁又唔係，我都幾相信婚姻嘅，係神聖同美好。」

有獎攞係好事

而Ella即將推出全新專輯《Take A Shine To...》，今次她亦參與不少創作，她說：「今次結他伴奏強啲，（染指唱作女歌手？）冇話特別諗過呢個目標，當然有獎攞更係好事，亦係人哋對你嘅肯定。」

Ella又形容自己是繼續上升的飛機，她說：「我會努力向上，希望可以再試多啲唔同類型嘅嘢。（唔怕辛苦？）係辛苦命，因為我唔鍾意停喺度，要Keep住工作先得。」

採訪：戶冊平

攝影：黃叔榮

髮型：Eve Chiu

服裝：2068

場地：Balalaika Russian Bar & Restaurant