阿Sa變黑妹襯番男友

林欣彤及Twins等前晚錄影《勁歌金曲》，Twins表示新碟連寫真集Boxset並沒在書展發售：「今次sell華麗冇泳裝。（唔夠o靚模撼？）我哋一定冇得比，佢哋咁噴血！反正係限量版，放喺出面都唔夠賣啦，賣咗幾日就斷晒貨！」Twins又透露網上有人將新碟炒至$450高價，阿嬌說：「物以罕為貴嘛，暫時唔會補印，係十周年一個限量紀念。」剛從內地拍戲返港的蔡卓妍（阿Sa），指當地烈日當空，慘變「黑妹」：「依家個身兩截色。（襯番男友陳偉霆咁黑？）佢成日玩WaveBoard，但我冇時間陪佢！」又大呻很掛念男友。鍾欣桐（阿嬌）則拒回應嫌莊冬昕窮而分手的傳聞。