阿姐心急催生難為了家英

汪明荃、羅家英合作的粵劇《德齡與慈禧》將於八月假香港演藝學院歌劇院演出，今次阿姐坦言此劇的製作費相當大，因為有不同的宣傳平台，就如宣傳演唱會一般，阿姐以前輩身份謂：「做新人一定有壓力，不過我好希望喺呢個劇嘗試用新人，一來德齡個角色要講英文，佢哋又有條件，我都未試過同全新人合作。」

汪明荃、羅家英兩夫婦為推動粵劇不遺餘力。	羅家英希望多賺點錢，將來請人服侍歎世界。	汪明荃首次演慈禧，將毫無保留地演出。

高音就住

說到今次由家英哥親自編寫劇本，阿姐謂：「佢一路都有寫，都知好辛苦，不過羅家英年紀愈來愈大，都要留番啲作品，當然佢已經係一個好成功、全面嘅文武生。」

阿姐這邊廂肉痛老公家英哥辛苦，那邊廂家英哥亦錫住她，坦言寫曲時都有就住阿姐：「啲高音就住啦！等佢唱得冇咁辛苦，佢平時畀人感覺最弱係唱功，身段、造手各樣都冇問題，不過佢成日催我交劇本，生仔都十個月啦！冇得急o架嘛！」今次是阿姐首次飾演慈禧一角，她不諱言：「以前我只係做過好惡嘅珍妃，今次係飾演慈禧嘅晚年，造型各樣都好靚，唱方面都好辛苦，自己向來冇錫聲，為咗演出，把聲都冇得休息。」

推國語碟

另外，家英哥除了忙寫劇、做戲外，20日他便會返大陸拍攝劇集，更透露將會在北京推出唱碟，他說：「當中會有《我向妳求婚》國語版，我已經錄好五隻，仲有兩隻。（唔叫阿姐合唱？）唔使嘞！佢好貴o架！」說到他忙個不停，為何不爭取時間休息？家英哥謂：「我要搵錢，突然覺得窮咗，啲醫生費、藥費都好貴，依家搵定啲錢將來睇醫生，請人服侍我。」文：影視組

攝：李柏儒