李蘊搣脂狂操泰拳
今年再推出寫真的o靚模李蘊為在寫真宣傳時以fit爆狀態示人，實行雙管齊下，除去學泰拳keep fit，要作地獄式減肥外，更戒吃消夜一個月，趕走byebye肉。
o靚模李蘊（Renee）早前升「Cup」拍攝寫真騷fit爆身材，不過回港後卻放縱不斷大吃大喝，身形自然比之前圓潤，令她十分擔心。為在宣傳寫真時回復fit爆身材，日前她到拳館拜師學藝，邀請香港著名泰拳拳手向柏榮教幾招泰拳keep fit，Renee表示雖然之前工作有接觸這項運動，但今次是首次認真去學，還大叫好玩︰「以前自己冇打過，今次請到香港No.1嘅拳手教我梗係開心啦！」
愛靚唔要命
她笑言愛靚唔要命，要進行一個月的地獄式減肥，她說︰「我呢一個月會戒食消夜，加埋學泰拳，希望減啲byebye肉。」問她怕不怕打拳會有肌肉？她坦言不怕只想把身上的肉變得更加結實。
最怕大隻仔
問到會否找個拳手男朋友，她直言不喜歡肌肉男︰「我唔鍾意咁大隻嘅男仔，太誇張喇，同佢出街會好尷尬，咁大隻應該留番上台畀人欣賞。」談到擇偶條件，她說︰「靚仔都係其次，我鍾意有才華同有內涵嘅男仔多啲，最緊要有上進心。」此外，Renee表示若下年再出寫真，希望能於歐洲取景︰「嗰度啲景比較靚，我想sell性感外，都想影多啲靚景。」
文：專案組 攝：黃叔榮
場地：灣仔榮拳館
服裝：KISSIN
化妝及髮型：Milk Cheng
造型：karlhuikaho@yahoo.com.hk