徐子珊死守 吳卓羲放手
徐子珊與吳卓羲（Ron）再度在劇集《團圓》中合作，並與郭晉安共譜三角戀。現實中，他們亦曾遭伴侶劈腿，子珊會堅持死守，Ron則選擇放手，「談情」態度大不同。
在劇集《團圓》中，「富貴妹」徐子珊與「以行」吳卓羲是令人艷羨的一對，可惜因「以進」郭晉安介入而泛起漣漪，但子珊澄清純屬誤會。原來現實中子珊曾情陷三角，更是受害者：「讀書嗰陣男友有第三者，雖然一路都知，但都仲喺埋一齊一段時間先分手。」她又自爆歷任男友從不得家人歡心：「佢哋冇一個鍾意。（識親都係壞男人？）男人不壞，女人不愛，哈哈！」
安排台灣相睇
緋聞多多的子珊入行後曾心儀一名圈外才俊，惟因timing不合適無奈放棄：「可能將來會遇到更好呢！我依家絕對會為愛情放棄事業，亦唔介意嫁雞隨雞。」還自爆姊姊不時替她安排相親：「佢叫我去台灣相睇，仲send埋相，原來係個卅幾歲嘅老外，我都唔mind架！」年紀漸長，子珊擇偶不再重外貌，首選責任感及經濟能力。問到老拍檔Ron是否Mr. Right？她笑說：「我高攀唔起佢，佢咁靚仔。」
Ron亦直認「高攀」不起子珊：「佢太性感喇！我哋拍劇已經『深交』，私下唔使喇！」讀書時曾遭女友劈腿的他直言會「放手」：「死纏爛打冇用架，盞嘥時間。（讓愛？）咁又唔會，等佢自己揀囉！」
講張馨予尷尬
緋聞日日新鮮的Ron大談「揀女」之道：「女仔太主動會嚇親男仔，太含蓄又會追得好辛苦。」對於與「內地乳牛」張馨予的「接送情」，他尷尬地說：「接人冇咩大不了啫！」其母從沒催婚，亦不會干涉他的擇偶條件。
文：影視組