李治廷情比金堅熱戀音樂
黎明愛將李治廷（Aarif）出道短短兩、三年，即成影壇、廣告圈搶手貨，歌而優則演的他下月將舉行首個個人演唱會，他形容跟音樂的關係就像談戀愛，由十六歲開始就立下對音樂的熱誠，永不異心。
Aarif剛與徐靜蕾到英國拍完《親密敵人》，月底又返內地接拍黃真真執導的新片，跟謀女郎周冬雨合作，片運亨通的他身價幾級跳，雖然忙於拍戲，他總是孭着結他爭取時間創作、練歌，新碟將於暑假推出，下月12日更在九展舉行首個個人演唱會。
唔會離婚
對電影、音樂同樣享受的Aarif說：「我好鍾意拍戲，好好玩。」而跟音樂感覺就像談戀愛，雖然未必最好玩，但永遠感覺強烈，他對音樂的熱誠始於十六歲：「嗰時我已經企硬同爹哋媽咪講，將來一定要做音樂，佢哋以為我係三分鐘熱度，但至今我冇變過，真係好似情侶咁，不能分割。（永遠都咁熱戀？）又唔係，結咗婚唔會永遠熱戀，但唔會同『老婆』離婚囉。」
Aarif在廣告界亦是搶手貨，連接五個不同產品的代言：豐澤、隱形眼鏡、美心西餅、月餅、服裝等等，豐收之餘亦令他受寵若驚：「覺得幾多人錫自己，係一種安心。如果要憂柴憂米，心態喺音樂上係兩個世界，我幸福起碼會安心，夠膽去作多啲嘗試。」
大讚老闆
出道以來Aarif一直深得老闆黎明（Leon）力撐，他覺得彼此間的默契很重要，Leon又是個肯傾偈的老闆，令他學到很多東西。他可聽得明Leon說話？Aarif說：「聽得明！三年仲聽唔明我好蠢o架啦。」十四、五歲Aarif已自我要求極高，凡事要做到最好，求求其其hea住做，反而會「銀」住唔舒服，承受很大壓力？他就做運動及玩音樂紓壓。
文：音樂組