莊思明點名拍陳豪

即將卸任，Lisa的感覺是時間過得好快，一年間，自己已長大成人，她說：「見多好多以前冇接觸過嘅嘢，例如面對傳媒，唔能夠太細路，要令自己成熟啲，好似大人咁，EQ都高咗，改變唔係我預期嘅，冇諗過咁快，以前待人處事係小學程度，突然間變成大學程度，不過係好事嚟。」

賺錢孝敬父母

說到卸任後去向，一如其他港姐，Lisa簽藝員約加入娛樂圈，記者笑她沒家庭負擔，可慢慢試，她聞言即反駁：「冇負擔但我有目標，我想自己搵錢、畀錢父母，盡做女兒責任，而且都想做啲成績，唔係只想做一份工。」

陳豪	思明去年當選港姐季軍，她說恍如昨天發生的事。

Lisa本身擅長唱歌，現正學跳舞，問到她覺得自己有何「賣點」？她倔倔的說：「性格囉，比較自我，冇刻意扮斯文，好少呢類型女仔，（係太高？）公司都好多高妹啫，（目標是甚麼？）最希望被人認同，我已經好開心，可能因為出道時啲人唔認同我。」

男友要心地好

Lisa對娛圈的司儀、拍劇工作樣樣有興趣，問她最想跟誰合作？她即雙眼發光說：「陳豪啦，我鍾意佢呢類型，但未見過佢。（搵男友要呢種？）隨緣啦，冇諗過，最緊要心地好，孝順，錫我，最好高過我啦。」不知陳司翰是否符合其條件，因兩人最近傳拍拖中。

文：影視組

攝：沈健程 場地：Hair 髮型：Ian Lau@Hair