台模趙彤早前於內地節目《美麗最前線》訪問內地演員隋棠及溫昇豪，大談「小三」問題。趙彤說：「溫昇豪話如果將來婚姻出現第三者，佢會坦白同女方承認對另一個女仔心動，搵吓有冇方法令自己回心轉意。呢個答案令我同隋棠都好驚訝！」
趙彤承認曾陷四角戀，在不知情下做了小三：「個男人一腳踏三船，我係中間嗰個，後來四個人一齊出嚟傾，最終我同佢第一個女朋友都選擇離開。」先後與霍啟剛和林忠豪傳緋聞的她被指是小三大呼冤枉：「佢哋係朋友，覺得好委屈，我唔係啲識耍手段嘅女人！」
