曹永廉囡囡未改名搵長輩決定
曹永廉上月屋企加入新成員，太太姜依蘭為他誕下一名可愛女兒Erin，他直言屋企比以前更熱鬧。他說：「最開心係囝囝，因為佢錫到個妹燶，當正佢係玩具咁玩。但做父母比較辛苦，囡囡較鍾意嗲人，成日喊，雖然我哋都有請工人，但佢都照顧唔到咁多，我每日都要幫手買餸同湊小朋友。」阿廉透露至今仍未幫愛女改中文名：「我哋會搵人改名，仲要畀長輩決定，但未必會擺滿月酒，總之一家人食飯開開心心就得。」
阿廉最近忙拍攝新劇《On Call 36小時》，劇中飾演一名顧問醫生。他表示角色比《妙手仁心》的向眾仁更難演：「雖然都係醫生，但《妙》係急症室醫生，比較輕鬆搞笑，但今次身為顧問，當然要成熟穩重。」