劉俐俏臉圓形畢露

劉俐（Kibby）近日主持的無綫飲食節目《街坊廚神》已播映完畢，她對節目拍檔小儀、金剛及王淑玲等都依依不捨，希望可原班人馬拍續集。她謂：「個節目開播以嚟口碑唔錯，有次我搭的士，個的士司機認得我，佢都問我幾時會有得再睇。」她大讚小儀及金剛性情率真，跟螢幕上觀眾所見毫無分別。

爭取行騷

向來鍾意食的Kibby，拍完節目要付出代價。自稱一直食極唔肥的她竟然暴增幾磅：「真係大隻咗，特別係塊面大咗，今次真係要減肥，始終上鏡會靚啲。」之後她會主力拍劇，亦希望爭取行騷機會。

貪靚是女人專利，增磅不少的劉俐嚷着減肥。

劉俐不介意行泳衣騷。

最初Kibby在朋友介紹下認識前無綫金牌監製錢國偉（Wilson），獲選中拍《美女廚房》而入行。最近Wilson開拍多套新戲，但她因無期而未能合作。她無奈說：「我都想試吓拍戲，可惜啲期唔啱，希望以後有機會。暫時想試吓行騷先，行泳衣騷都冇所謂，最緊要出嚟嘅感覺健康！」

文：專案組

服裝、場地：

TWIST@中環