基仔腰患甩難勁到曉飛
忙於在內地拍劇的古巨基，為了十月演唱會已展開地獄式訓練，日日踩單車做運動，進食健康餐，腰患已成功根治，除可應付吊威吔飛天的動作，更事先張揚會以勁舞會粉絲，誓要帶給觀眾無限驚喜。
基仔將於十月七及八日在紅館舉行「古巨基Amazing World世界巡迴演唱會」，下周一將會有優先訂票，今次是基仔加盟英皇第一個演唱會，適逢今年又是基仔入行二十周年，所以基仔說：「意義重大，我喺演唱會度會唱好多經典金曲。」
狂踩單車操fit
目前身在蘇州為內地劇《歡樂元帥》趕煞科的基仔，已為個唱展開地獄式訓練，每日都會踩單車運動，他說：「拍劇幾忙都好，我都會踩一粒鐘，所以曬黑咗好多，（瘦咗幾多磅？）踩單車係為練氣，天氣咁熱拍劇已經減咗。」他又照足營養師的餐單進食，以生果、蔬菜為主，希望以最佳狀態上陣，他做運動狂操是否為了六「舊」腹肌？基仔搞爆gag笑說：「我冇六舊腹肌，但有六舊胸肌。」
做咗恬妞「貴人」
基仔的腰患足足困擾他成年，多次痛到要用拐杖走路，早前他在台灣請了位脊椎整骨醫師到蘇州為他治療，經過兩星期治療，終成功根治其舊患，連拍劇應付吊威吔場面都冇問題，他笑說：「為咗畀大家一個驚喜，我會喺演唱會上勁歌熱舞。」他更將醫師推介給同劇客串演出的恬妞，因為兩人都有腰患，恬妞以「貴人」來形容基仔，並在微博留言感謝他好介紹。
文：音樂組