周柏豪怕冇默契賽前緊張
周柏豪昨日出席籃球明星賽，跟「巨聲幫」周志文、周志康及許廷鏗合作上場，柏豪開場前坦言緊張：「好驚呀！之前冇夾過呢幾位隊友，怕冇乜默契，不過表演賽最緊要開心！」他透露跟余文樂合作的橫洲工業將於8月14日舉辦三人籃球賽，他跟樂仔將會分開組隊作賽。提到樂仔早前比賽受傷，柏豪說：「其實我哋平時好小心，上次只係意外，佢依家冇乜事喇！」
另外，崔建邦舊愛鄺敏慧（中巴）擔任啦啦隊，她表示：「打籃球嘅男仔好高大、好陽光，都幾吸引我。（崔建邦都唔係！）咁taste會變吖嘛，我揀嘅未必係我鍾意呀！」