一家六口難齊腳
謝婷婷男友安志杰昨日在活動上透露，從馬來西亞拍完戲返港後便沒有跟好友謝霆鋒聯絡，他說：「我打過電話畀佢冇聽，打Online game又見唔到佢上線，連婷婷都搵佢唔到，得佢爹哋媽咪搵到佢。」安志杰又表示有致電狄波拉，不覺對方特別不開心。對於日前霆鋒差點與陳冠希碰面，他直言沒甚麼大不了：「明星成日都去嗰啲地方，我之前都撞到梁家輝啦。（覺唔覺佢哋好有緣？）相識已經係緣分。」此外，安志杰昨日上載了一張婷婷與貓咪共睡的照片上微博，相當趣致。
而婷婷昨晚在活動上表示，自鋒芝婚變至今仍未見過兩個姪兒Lucas和Quintus，非常掛念他們，對於有報道指兩人哭着要跟爹哋，婷婷說：「細路仔掛住爹哋都會咁，（你哋一家四口幾時齊人開家庭會議？）一家四口實有機會，不過未必係開家庭會議。我哋一家四口對上一次一齊係哥哥間製作公司開幕，而自從Lucas滿月酒之後，就好似冇試過一家六口（連栢芝和Lucas）一齊，Quintus出世之後都未試過。」
