黃貫中隊啤開騷high爆 朱茵冇眼睇

大會原先安排開騷前播出Paul自編自導自演的MV，因音響問題有畫冇聲，樂迷一度鼓譟，司儀馬上請Paul出場作安撫，Paul與樂隊拎住酒杯出場說：「平時開騷前唔飲嘅，不過咁啱啤酒節飲少少啦！」即與樂迷舉杯齊飲。

都驚要坐監

接下來將到澳門、馬來西亞及內地開騷的Paul透露9月將出新碟，向來關心政治的他會否加插政治元素？他說：「其實我一啲都唔政治，只係關心身邊人同香港人，以小市民身份出聲，我唔係搞對抗，女友都好支持，只不過講得多啲人就覺得我好政治。

朱茵	Paul認為做音樂跟郵差工作相似，將音樂像訊息般傳開去。

（要喺內地工作唔敢講？）我都係人，都驚坐監，但唔可以因為驚而唔做，如果係唔會玩搖滾！因為搵錢而唔出聲，指鹿為馬，咁做就唔係黃貫中！」Paul更笑言坐監都可以寫歌，最緊要對得住良心。

前晚每位睇騷的樂迷都獲贈一隻以信封包裝的single碟，Paul表示做音樂跟郵差工作相似：「將音樂好似一個訊息咁帶畀唔同地方嘅唔同人。」

文：專案組