Eason擸4獎 風騷當啞鈴

【衛紫敏廣州直擊】「第十一屆華語音樂傳媒大獎」前晚在廣州國際體育演藝中心舉行，頒發37個獎項，Eason共贏得「最佳粵語男歌手」、「年度粵語歌曲」、「百家傳媒年度最受矚目專輯」及「百家媒體年度最受矚目藝人」四獎成「獎王」。至於阿Sa（蔡卓妍）忙於拍戲，阿嬌（鍾欣桐）代表Twins上台攞「年度最矚目組合」，還有何韻詩、農夫及RubberBand等獲獎。因獎座幾磅重，搞鬼的Eason將獎座變作「啞鈴」，扮大隻佬舉重來拍照。

拍住吹后超儀

至於其老友霆鋒為「婚變」事件返港，Eason稱仍未相見。霆鋒可會找他傾心事？又名「吹神」的他笑言：「佢唔會搵我傾，因為每次佢講幾句唔夠，就畀我講晒『盞死』啫，所以唔會同我講，圈中唯一有對手係何超儀，佢係『吹后』，我係『吹前』。」

四獎相當「墜手」Eason晒臂力玩舉重變「大力神」。

阿嬌穿上七吋高跟鞋自嘲似紮腳，搞到步步為營。

早前Eason與楊千嬅和梁漢文音樂會反應好，梁漢文稱未夠喉可搞「華星三寶演唱會」。若成事Eason可是歌酬最貴？Eason大呼：「我最多咩？我唔知喎！（三人平分歌酬？）冇所謂，都係廿蚊雞啫，意義大過價錢。」Eason笑言「華星三寶」都想像BIG FOUR做巡迴，因梁漢文明年開個唱，亦祝千嬅早生貴子，如果要開都要兩年後。

何韻詩奪「百家傳媒年度最矚目歌曲」演唱時相當投入。	農夫奪兩獎，成功贏得內地歌迷歡心。	劉美君擔任表演嘉賓。

阿嬌冇搵霆鋒

此外，問到阿嬌可有慰問霆鋒？阿嬌再重申：「冇聯絡，之前亦都冇。（同霆鋒劃清界線？）唔係，而係平時都冇搵。」不少朋友都離婚收場又是單身家庭長大，可抗拒結婚？阿嬌說：「唔知，應該唔會抗拒嘅。」