李治廷邀黎明助舞 Rock爆九展
歌而優則演的李治廷（Aarif），獲公司力捧將舉行首個個人演唱會，玩Band出身的他為人念舊，邀請昔日一班夾Band的舊戰友上陣，希望為觀眾帶來驚喜，更希望邀請老闆黎明上台跳舞。
Amusic揸弗人黎明為愛將李治廷於八月十二日在九展舉行《LOOP X 新城李治廷One Night Band演唱會》，昨日李治廷與鄧建明（Joey）在記者會上即席夾Band，手執鼓棍的治廷說：「我係打鼓出身，冇忘記我係Band仔根源。」今次演唱會除了得Joey助陣，他更要求找回昔日夾Band一班好友上陣，大玩特玩。
獲讚全能音樂人
鄧建明讚賞李治廷是近年難得的一位全面音樂人，他說：「佢係音樂世家，佢爹哋唱歌好好聽，佢哋會喺屋企夾Band，我不知幾鬼羨慕。」當晚李父可會上台表演？他表示爹哋一定會來捧場，但上台就不會了。公司為他舉行首個演唱會，心情緊張嗎？李治廷笑說：「期待遠超過緊張。」可會邀老闆黎明做嘉賓？他笑說：「好喎，（夠膽邀請？）再大膽啲問埋佢跳舞，大家覺得Leon好似好嚴肅，其實佢係好friendly老闆。」至於緋聞女友Janice Man可會邀請？他笑說：「好呀，問吓佢先。」
文：音樂組