法拉：我都想放假遊學

昨日陳法拉、「宅男女神」樂瞳及日本女模松岡李那為「Swatch香港區首間旗艦店」開幕擔任嘉賓。對有傳HotCha成員Regen（張惠雅）被迫離隊遭放逐，原因是她與Neway太子薛世恒傳緋聞而激怒身為女友的法拉所致。

並不知情

法拉看過有關報道，但解釋Regen只是放假遊學與她無關：「關我咩事？我邊有咁嘅能力？我只係會做唱片公司嘅工作，唔會參與決定。總之我唔知情。（怕唔怕影響形象？）惟有話我仲有少少話題性，大家肯寫我，算係好事。」法拉說與Regen相識多年，對方也有邀請她看演唱會，又大讚Regen可愛，是位勤力的歌手。

樂瞳（左）站在法拉（中）及松岡李那身旁，明顯矮一截。

陳法拉與男友薛世恒。

問到Regen與其男友薛世恒是否有關係？法拉說不知情：「應該冇關，只係好好嘅合作關係。（Regen離隊戥佢可惜？）佢只係放假去自我增值，佢年紀仲細，可以去遊學幾個月應該好開心。我都想！」

冇遇小三

至於如何提防小三？法拉坦言不懂回答，因從未想過有關問題：「我諗要放多啲心機喺兩個人嘅關係上。我好好彩，從來未遇過有第三者介入。（有冇做過小三？）小幾都冇做過。」至於Regen昨日在微博中為有關傳聞澄清：「我在為我自己選對的路，不關任何人的事。」

而同場的樂瞳在眾人中身材明顯失色，她自嘲說：「冇法，阿媽生得我矮，我發育嗰時又唔做運動又減肥，搞到依家冇身材又唔高。不過我從來冇因為咁而冇自信，只要四肢健全、五官端正已經好幸福。」文：名人組