Hidy拒評假波：大唔係一切！
去年推出大堆頭寫真的「濕身徐子淇」余曉彤（Hidy）今年單拖攻書展，個人寫真昨日面世，賣健康性感的她未有奮力谷胸，但她揚言不怕被比下去：「我玩開運動，着重力量，唔怕唔夠撼，仲會揮低佢哋！（有咩宣傳？）可能拎寫真去其他o靚模嘅簽書會踩場，如果去就會拖行人馬，搵埋班人舞獅助陣。」
Hidy與同門的Jeana於同日推出寫真，但Hidy的寫真size比對方細一半，但她不認為公司大細超，尺寸乃配合隨書附送的平板電腦而設計，賣$1,600，力證受公司重視。談到Jeana的寫真，Hidy暗寸對方「大而無當」：「望過兩眼，但大唔係一切！（佢打假波？）佢假唔假我就唔知，但我喺書度分享嘅感受就係真。」
