Jeana遭杯葛 邀打擂台冇模騷
周秀娜師妹何佩瑜（Jeana）靠寸嘴出位，處處辣火頭，結果遭其他o靚模杯葛，更激嬲師姐周秀娜罷睇其寫真集，昨日她與同門余曉彤（Hidy）推出個人處女寫真，Hidy識做模仿師姐食雪條向師姐示好，Jeana則搏到盡谷行「血管胸」出擊，繼續寸模行徑！
雖然寫真戰於本月20日才正式揭幕，不過周秀娜師妹「嫩版范冰冰」何佩瑜（Jeana）未開戰已四圍辣火頭，首先寸爆師姐周秀娜過時，激嬲對方，擺明只撐今年單拖出寫真的同門「濕身徐子淇」余曉彤（Hidy），而早前她更自封「性感宗師」，撩o靚模於周日打擂台鬥「波」，最後被指無聊而成為o靚界眾矢之的，陳靜（DaDa）、趙碩之等一眾「寫真競爭對手」也忍無可忍曾分別作出反擊。
「冇人嚟仲好」
對於被人圍插，Jeana繼續寸爆︰「開得個擂台就預咗畀人踢館，所以唔怕畀人插，作為一代宗師嘅我『胸』襟好廣闊！」問到會否擔心寸嘴言行反而冇人嚟踢館？她淡定地說︰「唔擔心，本身諗住化干戈為玉帛，一班人打完擂台就請佢哋食嘢，冇人嚟仲好，咁我可以自己食埋囉。」
Jeana與Hidy昨日分別推出首本處女寫真集，Jeana於寫真中瞓身以三招Big走同門勁敵Hidy，除寫真size比Hidy的大一倍外，每頁放送其招牌33C「血管胸」，瞓身時更驚現神奇「不倒胸」，但也不及她只以頭髮遮胸及裸背曲膝壓胸，「血管胸」若隱若現，惹人遐想！
「唔覺得意淫」
Jeana顯然對處女作信心十足︰「我覺得影得好靚，充滿電影感同Sexy嘅美感，唔覺得意淫喎！」問會否擔心被其他o靚模抽水？她說︰「大家都會出寫真，每個人都有自己風格，性感程度個個唔同，好歡迎發表意見，我控制唔到人哋講乜，但係我唔會戴有色眼鏡囉！」
文︰專案組