Mandy Lieu跟Ferragamo學造鞋

Mandy上月獨自到意大利南部旅遊，還順道參觀了Ferragamo的鞋廠，她興奮地說：「大家都知我係一個鞋癡，所以今次有機會參觀佢哋嘅鞋廠，真係好開心！喺嗰度仲識咗個鞋匠Stefano，佢仲教我點樣造鞋，原來一對鞋要用120小時嚟做，真係學識好多嘢！」Mandy還相約了在英國當醫生的同學仔到鄰近的佛羅倫斯及維羅納等地旅遊，還特別租了直升機看火山遺址，她說：「坐直升機一個人要200歐元，之前又去睇歌劇，雖然貴，但覺得好值得。」

Mandy跟鞋匠學造鞋。

Mandy（右）坐直升機看火山遺址。

Mandy愈說愈興奮：「今次呢個trip感覺好似電影《Eat Play Love》裏面嘅女主角咁，周圍吃喝玩樂，又着三點式游水，好開心！可惜獨欠『Love』冇艷遇，不過去到Sienna就撞到一班羅馬球迷帶我去球場睇波！」Mandy說自從擔任了Now生活節目的主持後，有機會到不同地方體驗，相當滿足，而下一站最想去的地方就是印度呢！