林莉晒優質股派色

去年推出攝影集大獲好評的名模林莉，今年捲土重來，早前率領近廿人的製作隊伍遠赴俄羅斯拍攝慈善攝影集《冷靜與熱情之間》。是次攝影集斥資過百萬元，加上附送DVD，故重金禮聘邀得著名導演李公樂、曾替樂基兒及莫文蔚等拍攝的著名美籍攝影師Ike Eichensehr及形象顧問張學潤等操刀。而攝影集收益會撥捐福幼基金會及Redress等三個慈善團體。

林莉於察里津公園拍攝，以華麗造型上陣。	林莉出「股惑」展現自己優質股。	於克里姆林宮取景時驚動當地警方。

禁止商業攝影

身為首位香港名模到俄羅斯拍攝的林莉，先後在著名景點包括紅場、克里姆林宮及聖彼德堡等取景，期間更發生驚險事。林莉說：「克里姆林宮係唔准許商業攝影，所以當日喺宮殿門口拍攝時，十幾個工作人員唔敢圍埋一齊，只係扮遊客分散喺旁邊睇住我同攝影師，點知影咗唔夠十分鐘，即刻有好多警察走出嚟警告話唔可以商業攝影！」她續說拍攝期間有不少男士駐足觀看，並主動上前要求合照。

狂做美臀運動

另外，林莉今次其中一個造型，是身穿薄透睡裙透視出內衣及T-back，圓潤白滑的臀部盡現，極具誘惑。林莉笑說：「哈！我呢個係優質股，拍之前一個月，密密做全身護理，同埋成日做踎低動作令臀部更firm。（今年同o靚模鬥？）一直都冇咁諗，因為俄羅斯呢個地方太有文化藝術氣息，先令我想出寫真。俄羅斯有『森林中的首都』嘅美譽，森林面積係國土嘅一半，我想喚醒大家身為都市人要注視環保。」文：名人組