傅穎出教扮靚撼娜姐
傅穎（Theresa）昨日現身旺角鬧市舉行新書電子版預覽會，吸引大批歌迷到場支持，每年書展均有不少藝人及寫真o靚模各出奇謀谷書，繼周秀娜推出apps突圍後，Theresa亦有樣學樣為新書會推出apps，問她豈不是跟周秀娜互撼？自知身材輸蝕的Theresa表示：「佢係寫真集，我本書係教人化妝、美容同分享着內衣心得，所以唔同，如果要睇三點式梗係睇娜姐啦！」
而新書的apps將於本月20日與新書同步推出，屆時Theresa會現身書展造勢，問到今年書展可有衣着限制？Theresa說：「唔會性感！」問她是否不夠膽再着短裙以免被怪風吹起露底？她笑言：「唔去天橋，或者大家唔好帶風扇囉！」