阿佘唔只收4萬 自撐海鮮價
佘詩曼因陳志雲案件，被爆出騷身價四萬，當事人表示不覺尷尬，打圓場表示自己其實「海鮮價」。講到電影，阿佘難忘與羅仲謙「車震」，o靚模何佩瑜同時向男方送秋波，令謙仔頓成搶手貨。
阿佘離開無綫後，即於電影內擔正女主角，昨與羅仲謙、何佩瑜（Jeana）、傅嘉莉及蔡穎恩等於奧海城出席宣傳活動。
談到日前陳志雲案件開審，阿佘坦承沒有與陳總及案中其他證人接觸，因為「唔方便」，只希望案件快些完結，各人平安無事。至於被爆收四萬元出席活動，她笑說：「唔尷尬，我係『海鮮價』，出席活動酬勞，視乎嗰排自己hit唔hit囉，呢個係參與價嚟啫，依家都加咗少少。」至於擔任電影女主角，阿佘扮演的角色由真人真事改編，且涉及換妻及車震等題材，談到與羅仲謙車內親熱，以及與方力申的床戲，阿佘坦言印象難忘。
Jeana向謙仔示愛
另外，謙仔與Jeana用身體夾爆波，二人表現靦覥，不過事後女方竟然向謙仔「示愛」﹕「自己鍾意啲高大大隻嘅，佢好啱我條件，相信遲啲仲有合作機會，暫時未有佢嘅聯絡電話。（主動追對方？）遇到鍾意嘅，我會大方畀啲signal對方，等對方採取行動。（謙仔好搶手喎！）如果我係佢女朋友，我好有信心可以箍得住佢，因為我等同一件靚衫，着咗唔捨得除呀。」 文：影視組