超儀碌爆友情卡 開船P拍MV

何超儀（Josie）一向醉心拍戲，並投資金錢做電影老闆，近年，Josie再向樂壇進發，並以「Josie & The Uni Boys」樂團名義，推出迷你專輯，日前，超儀便出海為專輯兩首新歌《黑超》、《天眼通》拍攝MV。

放大圖片	超儀出動何家千萬遊艇，邀請了王凱韋在內的60位好友到船上拍MV。

邊拍邊玩夠真實

對工作要求甚高的她，拍MV亦十分認真，因想拍出大堆頭、派對feel的感覺，Josie特別向屋企商借千萬遊艇，又勁碌友情卡，包括梁漢文、陳奕迅女兒、谷德昭等共六十多位朋友上遊艇開懷舊派對，大家邊拍邊玩，超儀更準備大量零食，令眾人玩得開懷，效果夠晒真實，超儀更high到自拍嘟嘴照（小圖），流露可愛一面！

海上硬捉王凱韋

超儀好友之一梁漢文因在拍MV當日有工作在身，但為了超儀，都不惜抽半小時幫拖拍攝，不過由於梁漢文未能配合開遊艇的時間，故到碼頭時已無艇搭，超儀特別為他找了一隻小駁船，載他到海中央來上遊艇。拍攝期間，剛巧遇上王凱韋在海上玩滑水，超儀當然不會錯過機會，「捉」了他上船充當「臨記」，最後成功拍出營造大堆頭派對場面！

文：影視組