楊思琦護新歡：唔係佢！

連日「唔回應」的楊思琦為保護相識多年的同學，終打破沉默，澄清該男子並非「新歡」，否認對方有其屋苑的住戶證：「係同學，識咗好耐，屋企人都識。」

避談對方私人事

談到被傳是其「新歡」Andy亦是同學時，她大嘆被同學詐型：「總之唔係佢，個同學畀人影完，今日（昨日）有同佢聯絡，仲畀佢話『有冇搞錯呀？話係我，唔知好嬲定好笑。』（對方有女友？）唔講人哋私人事。」對於有喜傳聞，思琦則不願多談。

李泳豪從未到訪過思琦的新居。

有大批記者採訪車隊在思琦寓所樓下守候。

豪仔冇上過新居

另外，問到李泳豪是否認識疑似Andy？他說：「印象中冇見過呢個男人，可能見過唔記得，唔算識得。（佢出入思琦新居？）唔肯定嘅唔回應。（你去過新居？）一次都冇，搬屋都冇幫手。（思琦叫你唔使幫？）唔係，自己忙拍劇。」當本報追問詳情時，他為保護思琦即封口。

文：專案組