王祖藍裝假狗焗住呻苦
王祖藍、李思捷、阮兆祥、曾志偉及張可頤（Maggie）等昨出席新片《勁抽福祿壽》煞科記者會，場面熱鬧。祖藍、祥仔穿拳師褲而思捷則戴「護陰」現身，被曾志偉取笑：「唔係《勁抽》，應該改名叫《現袋福祿壽》啦，仲要係硬添。」大講有味笑話。
雖然雄風被讚，但祖藍卻有苦自己知﹕「諗住今日見記者，所以冇『護陰』啫，成日戴住嗰舊嘢好辛苦，好似女生戴胸罩咁好唔舒服。」
張可頤則以Deep V現身，戲中扮演志偉舊情人的她，日前拍一場被拳擊手推撞的戲，對方輕輕一推，已叫她滿天星斗，而昨日她又要拍攝遭王小鳳掌摑的戲，可謂吃盡苦頭。