Mr.開騷怒吼：冇抄歌

Mr.一連兩場「Mr. Everyone Concert 2 People Sing For People演唱會」前晚開鑼，五子紅銀色Cyber造型出場，全場歌迷興奮尖叫，成員MJ和Tom的舊愛卓韻芝和Evelyn（蔡穎恩）、陳偉霆、鄭融和藍奕邦等亦來捧場，五子更用Rock版演繹王菲的《暗湧》，又選唱Beyond的《我是憤怒》，台下歌迷站着和唱。而Tom棄打鼓彈結他唱《換畫》，似向Evelyn憑歌寄意。

風浪中成長

近日Mr.再次被指抄歌，主音Alan忍不住要平反：「我哋做咩都畀人抨擊，畀人話抄歌，唔開心梗有，但冇抄，點認啫，呢年我哋學到好多嘢，會繼續做好音樂，因為歌迷相信我哋。」Mr.感謝歌迷和家人外，亦多謝整晚站在控制台上為他們當監督的阿倫，阿倫亦當着全場觀眾撐硬Mr.表示：「佢哋出道咁耐經歷好多風浪，其實唔使咁介懷，當佢哋係廢柴啦，成績呢樣嘢有目共睹，睇到你哋一步一步進步，繼續努力報答歌迷。」

Mr.前晚開騷，現場歌迷high爆。	阿倫支持後輩擔任演唱會監督。	MJ（左）與Ronny忘情演出鬥功架。

狂迷衝上台

演唱期間有男歌迷突然擒過鐵欄跳到台上在Alan和MJ身邊吶喊打氣，嚇得工作人員即將他驅趕回去。事後Alan笑言：「唔驚，認得佢，上年都係同一首歌衝上台，唔怕會傷害我哋。」至於昨日Evelyn便在微博上留言，大讚Mr.進步不少，是她第一隊最喜歡的香港樂隊，未知Tom聽到可有回心轉意呢。

陳偉霆大讚Mr.演出有水準。

卓韻芝來捧舊愛MJ場。

文：音樂組