Eason開騷唔敢請霆鋒
陳奕迅（Eason）坦承曾和好兄弟謝霆鋒在馬來西亞促膝夜談，指好友chok樣依然未受婚變影響，不過鬼馬的他又稱不歡迎霆鋒捧他音樂會場，免被搶走他當主角的風頭。
Eason、張敬軒及農夫昨日齊以表演嘉賓身份演出《百年中國》活動，剛從馬來西亞宣傳巡唱返港的他，初時還戲言在下榻的酒店遇見拍戲中的霆鋒，見面時大家只say hi，但其後才自爆有和霆鋒及安志杰在酒店食飯，他說：「霆鋒同安志杰喺房度玩黐手，我就黐飲、黐食、黐身、黐勢，冇傾家事。（霆鋒心情OK？）佢個樣冇乜嘢，拍戲時都係咁chok，謝chok鋒。（有冇安慰佢？）佢都唔講嘢。」
日日頭條感到煩
有傳霆鋒本月八日將返港同張栢芝爭仔，Eason反問：「咁佢咪嚟唔到睇我七日嘅拉闊音樂會？不過佢唔好嚟，佢一個搶晒我三個（還有楊千嬅及梁漢文）風頭。」
有謂霆鋒返港首要和兒子見面，Eason不屑說不會理霆鋒的事，又指返港後日日頭條都是霆鋒的新聞，令他感到煩。有指霆鋒和母親狄波拉忙搵幼稚園，問他可會介紹？Eason笑言：「佢智商咁低，佢仲要重讀幼稚園呀？（係幫Lucas搵，）唔會介紹，佢屋企嘢唔會理，係都顧掂自己嗰個啦。」
軒仔感激王菀之
另外，有傳其經理人陳家瑛將他和王菲以二億天價簽給中國體操王子李寧的公司，Eason否認，稱和陳家瑛尚有合約，但一億身價實在太看低他。至於有遊行人士談及「替補機制」時，想睇陳奕迅演唱會，但卻畀林峯演唱會，Eason就覺得證明娛樂新聞具影響力，他也想看林峯。
同場的張敬軒透露為慶祝密友關智斌的組合Boy'z明年十周年，他作了歌送給對方，還兼任編曲及監製，但非免費只收友情價，同時他多謝緋聞女友王菀之，不理唱片公司反對，也首肯擔任其七月澳門演唱會嘉賓。
文：音樂組