無辜被指第三者 阿嬌：謠言止於智者
Twins昨日合體到電台宣傳即將推出的新國語碟，之後將展開連串巡迴演唱，阿嬌對於早前無辜被扯入鋒芝婚變漩渦說：「我諗佢（霆鋒）OK，佢EQ咁高，（有冇同佢傾過？）完全冇傾過。」阿嬌坦言明眼人都知不關她事：「我冇搵過佢，同佢唔熟，係師兄囉，（怕緋聞影響形象？）謠言止於智者。」
問阿嬌可擔心過緋聞影響鋒芝關係？她說：「如果一對夫婦咁深愛對方，唔會因為呢啲破壞到。」阿Sa坦言她們跟栢芝也是好朋友，問到她們幫霆鋒還是栢芝？阿Sa說：「冇話幫邊個，兩個人相處係好難，無論佢哋嘅事進展到點，大家都係朋友，兩個人分開一定係相處唔到，（栢芝狂轟霆鋒？）呢啲局外人唔好評論，人哋家事。」
