關寶慧睇好(10)李晉強膺港男

香港先生(10)李晉強（Clayton）由面試至入選，一直被指是眾參賽者中最靚仔的一位，憑住迷人眼睛、瞇眼加煞食笑容，更贏得「𡃁版池珍熙」的稱號。

雖然之前因不小心跨欄截的士引致面部多處地方受傷，但現時狀態甚佳。日前，記者就於港島區一間cafe碰到他與藝人關寶慧傾得甚為投契，有講有笑，寶慧更不時細看他之前臉上的傷勢，熟落程度非比一般。

記者致電關寶慧，她坦言是Clayton的親戚，更頻說多年沒見，對方比以前更成熟、俊俏。關寶慧笑謂知道他上次跌親後，今次與他見面還笑他「唔使跨欄已經好型」。

終於識到後生靚仔

她又指Clayton遺傳了父母的靚樣，在3、4歲時已經很可愛，又乖又有教養，睇好他一定得冠軍。她又謂不介意在靚仔小朋友面前認老，反而可自豪地告訴別人她終於認識到後生靚仔。

記者亦與Clayton做了電話訪問，坦言Emily姐姐（他對關寶慧平時的稱呼）向他提點甚多。現時修讀市場學的他還有一年才畢業，他希望想先完成學業。問他若得到冠軍怎打算時，他說：「我未諗到咁遠，到時再算啦！」

文、攝：影視組