可嵐囝囝太重無力抱抱
前歌手可嵐日前為愛子尤俊（Eugene）舉行百日宴，廿四孝媽咪的她親自炮製數百塊曲奇餅宴客，雖然囝囝Eugene未能品嘗，但全程陪伴母親左右。可嵐說：「佢依家先三個半月大，未有牙仔所以食唔到。」她笑指囝囝身形巨如六個月大的BB：「真係好誇張，依家着緊十二個月大嘅BB衫。出街抱唔到太耐，所以次次都要推BB車。（叫老公抱？）佢都覺得囝囝好重，之前仲可以用孭帶，依家唔得。」
可嵐坦言自生完仔後沒機會與老公過二人世界，她說：「原本打算同老公去旅行，但又擔心阿B，因為得工人照顧佢，所以依家過三人世界最多。」
問到會否追多個？可嵐大方承認想追個女：「依家已經不設防o架喇，交畀神啦。」