陳展鵬愈拍愈有上位有望

展鵬重返無綫後一劇接一劇，於新劇《ATF反恐》及《回到三國》中擔演重要角色，現時播映的《真相》更任男主角。有指展鵬的戲份比黃浩然還要多，展鵬謙稱：「唔係，其實大家戲份差唔多，只不過擔綱唔同嘅古仔。」展鵬入行日子不淺，問會否覺得機會來得太遲？他謂：「機會冇話遲唔遲，好多嘢要配合天時地利人和。呢幾年自己成長好多，做演員一定要有多啲經歷，演出嚟嘅戲先至會有味道。」

重返無綫感親切

現時無綫鬧小生荒，小生買少見少，問想不想趁機上位？展鵬坦言：「依家機會多咗都要多謝監製，不過做咗咁多年，都唔會着重位置，只希望角色有發揮。講真之前返無綫有一段時間自己靜止咗，依家返到去，見番好多同事感覺好親切，愈拍愈起勁，好似撻番着部engine咁。」

楊怡被陳展鵬大讚為人爽朗，擅長演感情戲。（資料圖片）

陳展鵬於《ATF反恐》有不少驚險鏡頭。

讚楊怡演戲細膩

此外，展鵬近來可謂艷福不淺，與楊怡、陳茵媺及唐詩詠等花旦都有感情戲。他大讚楊怡：「佢份人好爽好直，我同佢拍攝時都好多溝通。佢嘅感情戲好細膩，有時我都要問番佢。」展鵬於《ATF反恐》與陳茵媺有咀嘴戲，他大讚陳茵媺勤力聰明，工作相當認真。他又指唐詩詠可塑性高：「起碼佢肯嘗試，唔驚做反派，後生女有出路。」

文：影視組　場地：L16