楊淇演活金牌鐵嘴雞
獨立電影演員楊淇近年在師傅張艾嘉鼓勵下，轉移陣地往台灣發展，間中穿梭港、台接job，最近她返港為舞台劇進行綵排，在劇中飾演律師的她，大呼對白難記，場場戲都跟對手連珠發炮！
曾拍攝《盛夏光年》、《20‧30‧40》等電影的演員楊淇，近年離開香港向台灣發展，不過只要香港有適合工作，她會兩邊飛。
擦出火花
近日楊淇回港為7月初上演的舞台劇《談判》作綵排：「其實係監製關逸揚（Clifton）喺微博留言話有個戲想搵我做，睇完劇本覺得幾好玩就決定做！」她首次跟舞台劇演員黃兆輝合作即擦出火花，由於日日排練，除了瞓覺之外，其餘時間都會見到對方。
拗到頭暈
《談判》講及婚外情及離婚等敏感問題，與時下男女的感情世界很相近，演過多套舞台劇的楊淇直言沒有特別鑽研演技：「都係睇劇本、對劇本，之後消化角色，或者諗吓身邊朋友有冇發生類似嘅嘢。」她在劇中飾演律師，對白多又翹口，日日綵排都要講個不停，十足「鐵嘴雞」：「一日真係要講好多嘢，有次排到好暈，我同男主角嘅溝通方式就係拗嚟拗去，個角色同我本身分別都幾大，因為我唔鍾意鬧交。」
楊淇認為這套戲適合任何對婚姻有所睇法的人欣賞，但建議小朋友不要入場，就連她的表妹想看，她都認為表妹年紀太細而婉拒。
文：專案組 攝：沈健程