張敬軒情困洗燙唔使請槍
早前自爆有情緒病的張敬軒已痊愈，已重新投入工作，在新歌MV中軒仔接受演技大考驗，扮演精神分裂者，手執熨斗不停洗燙，被讚賞演得入木三分。
日前軒仔為新歌《惜愛》拍攝MV，他形容今次充滿挑戰性，因為MV中他扮演一個精神病患的角色，為思念愛人而變得神經質，他說：「好考演技。」但軒仔演來入木三分，因為情困顯得神不守舍，默默地為對方洗燙衣物，邊燙邊感懷失落，為了拍出理想效果，軒仔更加插一些小動作，例如為衣物拔毛粒，又不停摺衫，他笑說：「我不停重複咁做，好似患上強迫症咁。」
睇大師增值
軒仔的演出獲導演激讚，令他開心不已，他搞笑說：「我有睇史坦尼斯拉夫斯基嘅《演員的自我修養》，自我增值嘛。」令眾人笑破肚皮！
不過因要不停重複拍攝洗燙鏡頭，軒仔搞笑的向導演提出請家傭做替身幫忙演出，他笑說：「家傭手腳勤快，大家想快啲收工，不如搵佢嚟做替工。」導演即笑罵軒仔再有要求，就要加插他洗廁所鏡頭，嚇到軒仔即刻噤聲。
自詡是「宅男」的軒仔表示經常留守家中，所以也懂做家務，他說：「打理家頭細務難唔到我，我全部都識做。」
文：音樂組