羽翹學接生迎孫仔

愛貓的羽翹（Ava）獨愛異國短毛貓，家中有一仔「叉燒」、一女「吉祥」，眼前歲半的叉燒肥嘟嘟，重十多磅，但原來剛回家的時候叉燒是孱仔一名，Ava說：「兩個月大買佢番嚟，嗰時佢瘦到成條藤條咁，體弱多病成日流鼻血，帶佢睇咗好多個醫生先醫番好，依家肥肥白白。」

用平貓沙成身屎

Ava指叉燒是個怕醜仔，果然牠在訪問期間全程伏在主人胸口唔敢郁，Ava又笑說：「我覺得名種貓係唔識照顧自己嘅，同埋好矜貴囉，我試過由百四蚊貓沙轉用八十蚊貓沙，結果佢搞到成身屎，可能真係愈純種愈蠢豬。」她又大爆叉燒好有性格，可以長久維持蠟像姿態：「有次佢去寵物店沖涼，喺個籠度成身都唔郁，連眼都唔郁，啲人以為佢係公仔添！」

另外，Ava表示有意安排一對「仔女」生B，並已學定為貓B接生，她說：「諗住畀佢哋生一胎，有朋友已經book定要貓仔，自己梗係會要番幾隻啦，我已經上網睇片學咗點樣接生、剪臍帶。」

採訪：專案組

攝影：黃叔榮

髮型：Jay Yeung@Hair Corner

場地：阿貓地攤