江若琳變型男呃到人

向來予人嬌滴滴感覺的江若琳，早前在南海與廖啟智、謝君豪、曾志偉、譚詠麟等一眾紅星拍攝辛亥革命紀念電影《浴火鳳凰》，以女扮男裝出現的江若琳，首日便要開拍重頭戲，又嗌又喊，即日收工便喉嚨痛及聲沙，幸好劇組體貼地準備了大量潤喉糖給她。

滿意扮相

對於戲中的男裝扮相，江若琳坦言非常滿意，她說：「好鍾意呀！覺得好有型、好襯我，導演對我呢身打扮都有讚無彈，仲話我好有潛質可以反串做小生添。而服裝指導就問我其實係咪男人嚟，因為佢覺得我仲靚仔有型過啲男仔，氹到我好開心呀！」她笑說更成功騙到一些工作人員，以為她本是男兒身。

江若琳第一日便要拍重頭戲還要大喊，一度擔心眼傷康復情況。

放大圖片

擔心眼患

講到拍攝首日的狂喊戲，江若琳坦言一度有點擔心自己眼傷，她說：「隻眼仲未好番，拍喊戲嗰陣都仲會痛，所以好驚會影響康復進度。」幸好最後都沒有大礙，至於當地天氣反覆，亦對拍攝進度沒有太大影響，她坦言每一天的拍攝工作都過得很開心，她和同戲的演員及工作人員均相處融洽，好像家人一樣。

文：影視組