王梓軒闖日 撩粉絲共浴

王梓軒（Jonathan）早前到日本逗留一個月，為首張日文單曲進行連串宣傳，發布會當日更獲唱片公司Avex安排近五十職員到場，可見備受重視。Jonathan為攻日積極學日文，現已能以日文流暢自我介紹、對答及唱歌，他說：「喺交際細節上比較難掌握，日文敬語字眼有好多種，要慢慢學。」他自爆曾鬧出笑話：「日文好多字發音好似，有次訪問完錄Message畀粉絲，我想講有機會一齊再玩啦，點知講咗一齊沖涼，幾好笑！」
Jonathan在日本被打造成情歌王子Look。
Jonathan在日本被打造成情歌王子Look。

經常港日兩邊走的Jonathan為免父母掛心，身在外地時都會跟他們以視像通話溝通：「佢哋都會心痛咁耐見唔到我，不過見我冇穿冇爛總算放心。」他表示即使工作有壓力兼難度高，但收穫非常大，很開心每天都在自我增值。

王梓軒講日文曾鬧出笑話，因發音相似誤說想跟粉絲一齊沖涼。
  • 王梓軒講日文曾鬧出笑話，因發音相似誤說想跟粉絲一齊沖涼。